Павел Можаев (mevamevo) wrote,
Павел Можаев
mevamevo

  • Location:
  • Mood:
  • Music:

Eta agrablaĵo

Estas ja agrable trovi, ke viaj antikvaj kaj tute neprofesiaj aktivadoj ja evidentiĝas almenaŭ iom interesaj kaj utilaj. Kaj duoble agrable estas, kiam tio rilatas al la E-aktivado.

Nun mi parolas pri mia antaŭlongege kreita kaj jam delongege ne aktualigata paĝareto http://galeriodezamenhof.narod.ru/, kie mi provis kolekti "unuloke" ĉiujn tiam haveblajn fotojn kaj bildojn de Zamenhof. Certe, la paĝaro meritas renovigon, sed mankas al mi tempo por tio.

Sed jen, hodiaŭ al mi venis interesa letero el Pollando de iu neesperantistino, kiu laŭ ĉiuj rektaj kaj nerektaj indikoj laboras en la Pollandaj poŝtaj strukturoj (en la subskribo legeblas i.a. "Wydział Usług Filatelistycznych Poczta Polska" - "Fako pri filateliaj servoj. Pola poŝto"). Ŝi en pli-malpli glata rusa lingvo informas min, ke okaze de la baldaŭ komenciĝonta UK la pola poŝto eldonis poŝtmarkon omaĝe al la 150-jariĝo de Zamenhof. Ŝi ankaŭ demandas min, ĉu mi scias, kiu aŭtoris unu el la fotoj, prezentitaj en mia paĝaro (ĝuste la priparolata foto estas prezentita ĉi tie). Ne estas klare al mi, kial ŝi interesiĝas pri tio. Ĉu ĝiste tiu foto troveblas sur la nova poŝtmarko? Ĉu oni (vaŭ!) prenis tiun foton ĝuste de mia paĝaro?

Mi, certe, respondis, ke mi scias nenion pri la deveno de la foto kaj ankaŭ demandis, pro kio estas tia intereso al ĝi. Ni atendu la eventualan respondon, sed jam nun estas klare, ke mia iama laboro estis ne tute vana, se la paĝaron kun E-rilata enhavo vizitas kaj iom atente pristudas eĉ eksterlandaj krokodiloj... :)
Tags: e-movadaj aferoj, en esperanto, vivo
Subscribe
  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 2 comments