Павел Можаев (mevamevo) wrote,
Павел Можаев
mevamevo

  • Location:
  • Mood:

Ukrainio aŭ dio benu la Akademion!

ru: (resumo ruse)
Резюме: Академия эсперанто пересмотрела список рекомендованных названий стран и территорий, в новой версии которого в конце концов фигурирует уже давно устоявшаяся форма Ukrainio (в прежней версии упоминанась совершенно бредовая форма Ukrajno). В самом конце я радуюсь, что очередной номер журнала "Kontakto", который я редактирую, кажется, окончательно доделан.

eo: (на эсперанто)
Antaŭ ĉ. semajno min atingis la vica retletero kun la Oficialaj informoj de la Akademio de Esperanto, per kiu oni informas ĉiujn pri tio, ke la akademianoj voĉdonis por la nova rekomendita listo de la landonomoj. Mi estis ege kontenta ekvidi tie, ke oni finfine adoptis kaj ekrekomendis la nomon "Ukrainio", kiu estas kaj logika, kaj jam delonge aktivege uzata.

Por via informo - la malnova listo rekomendis sole la frenezan formon Ukrajno kun ne malpli freneza komento, ke "la landnomo signifas proksimume: landlima lando; tial estas eraro nomi per ĝi la landanojn". Tiu arkaika rekomendo kaj klarigo, miaopinie, helpis nur al la ukrainaj naciistoj (mi ja konas kelkajn, kiuj emas insiste uzi la formon "Ukrajno" aŭ eĉ "Ukrajnio" nur por iel distanciĝi de la tradiciaj formoj, kiuj reflektas la "grandrusan influon"). Al la sama kategorio de mensaj malsanoj mi rilatigas la emon de iuj stranguloj transformi la jam tradiciajn Esperantigitajn proprajn nomojn al tute nekompreneblaj kaj foje eĉ malbelsonaj, sed ja "politike korektaj" formoj. Ekzemple, la ĉefurbo de Ukrainio estas ne Kievo, sed Kijivo, Lvovo (la formo, ortografie responda ne nur al la rusa, sed ankaŭ al la pola formo Lwów) iĝas Lvivo kaj tiel plu. Aparte iritas min la transformo de "rusaĉa" vorto "grivno" al la "korekta" hrivno, kiu estas eĉ ne peko, sed ja krimo kontraŭ la Esperanta eŭfonio. Nu do bone, nun mi ne parolu pri tio.

Do, finfine, ankaŭ la Akademio benis la normalan, logikan, internacie rekoneblan kaj jam fakte uzatan formon Ukrainio (aŭ, por fundamentemuloj - Ukrainujo). Vivu la Akademio!

P.S. Ŝajne, hodiaŭ mi definitive finfaris la prokrastitan numeron 2008:6 de "Kontakto" - la pdf-aĵo sendita al la presejo, la reta versio alŝutita al la UEA-paĝaro, la informa dissendado por la abonantoj farita. Hura! Ho, se dio (aŭ prefere trideko da verkemuloj) helpus al mi atingi la normalan aper-ritmon de la revuo...
Tags: e-movadaj aferoj, en esperanto, lingvaj aferoj, ukrainio
Subscribe
  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 6 comments