Павел Можаев (mevamevo) wrote,
Павел Можаев
mevamevo

«Oftaj demandoj» pri la «Ĉielo super ni» estas tradukitaj

Mi ankoraŭfoje memorigas esperantistojn pri la utilega kaj interesega priastronomia paĝaro heavens-above.com, kiu alireblas ankaŭ en Esperanto. Ĵus mi fintradukis la sekcion «Oftaj demandoj» (la tradukado estis farata iom rapide, okaze de kelkaj plej simplaj aferoj mi havis la tenton respondi la demandon «Kial?» per mallonga frazo «Ĉar vi estas idioto ege malmulte komprenas pri la afero» :), sed mi sukcesis deteni min; eblas, ke iuj misoj/malglataĵoj ankoraŭ enestas; mi penos elsarki ilin en la plej baldaŭa tempo). Okaze de tiu ĉi paĝaro esperantistoj evidente superas la ruslingvulojn, ĉar en la rusa lingvo tiu ĉi sekcio de la paĝaro ankoraŭ ne estas alirebla (mi ja planas traduki ĝin ene de kelkaj tagoj). Se iu bonvolos informi min pri iuj mistajpoj kaj eraroj en la E-traduko (vizitu la paĝaron, elektu Esperanton en la falmenuo supre dekstre kaj poste alklaku la ligilon al «Diversaĵoj --> Oftaj demandoj (FAQ)»), mi ja estos ege danka kaj rapide korektos ĉion necesan.

Tags: e-movadaj aferoj, en esperanto, vivo
Subscribe
  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 24 comments