Павел Можаев (mevamevo) wrote,
Павел Можаев
mevamevo

  • Location:
  • Mood:

Flavio Rebelo revenas!

La putrantaj rememoroj pri iam promesplena (sed sufiĉe rapide merdiĝinta) retejego Ĝangalo daŭre jukas al iuj samideanoj. Jen oni planas lanĉi novan portalon kun originala nomo "Nunonia" (ĝi funkcios laŭ la adreso nunonia.com, sed dume la paĝaro estas nur konstruata). Malgraŭ tio, ke kiel ĉefredaktoro estas anoncita iu Cândido Ruiz, en ties ombro la laborojn "revizios" tiu sama Flavio. Gratulon kaj bonan revenon! Estas interese, kiujn titanajn planojn kaj brilajn promesojn sukcesos elcerbigi eksstelulo de nia Esperanta mondeto ĉi-foje?

Ĉiuokaze, oni ne povas nei, ke li estas ege lerta homo: kolekti 23 mil eŭrojn por internacia televido, kiu fiaskis dum malpli ol unu jaro, kaj enŝteliĝi en la Akademion stabile farante kelkajn akuzativajn erarojn en la pretigitaj artikoloj (ne temas pri iuj rapide tajpataj retmesaĝoj!) kapablas nur plej rafinita fripono, lmmo. Mi esperas, ke dum tiuj kelkaj jaroj da silentado li almenaŭ iomete praktikis la lingvon... Se ne - nu, mi timegas pri la kvalito de la anoncita projekto. :)

Tags: e-movadaj aferoj, en esperanto
Subscribe
  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 4 comments