Павел Можаев (mevamevo) wrote,
Павел Можаев
mevamevo

  • Location:
  • Mood:

Дела Контактные // La Kontaktaj aferoj

   ru:
Давненько я ничего не писал про журнал Контакто. А надо бы, тем более, что - внимание! - скоро я уже не буду его редактором. Около двух месяцев назад правление TEJO объявило конкурс на нового редактора (народ хочет изменений, хоть и толком не знает, каких именно), я тоже переподал заявку, но несколько недель назад полуофициальное сообщение от председателя TEJO проинформировало меня, что шансов на переизбрание у меня нет. Ну, что ж тут поделаешь.

Расписываться о своих мыслях и впечатлениях по этому поводу я пока не буду из этических соображений (в конце концов, я пока ещё редактор, по предварительной договорённости я готовлю ещё 3-й и 4-й номер "Контакта" в этом году). Скажу лишь, что я уже не особо переживаю по этому поводу. В конце концов, журнал отбирал у меня довольно много времени и ещё больше - нервов и усилий, так что меня ждёт громадное количество освободившихся ресурсов. Позитивов, конечно, тоже было предостаточно, но чему быть - того не миновать...

В качестве бесплатной иллюстрации тому, о чём пишет Контакто, публикую под катом свою небольшую рецензию на свежий альбом "Samideano" с аудио-фрагментом. Этакий гангстерский рэп на эсперанто. Жанр мною откровенно не любимый, но данный альбом в целом звучит ничего, хоть и довольно однообразный. Однако, разик-два послушать вполне можно :).

   eo:
Jam delonge mi nenion skribis pri Kontakto, kvankam ja indus, tiom pli, ke - atenton! - baldaŭ mi jam ne plu estos ĝia redaktoro. Antaŭ ĉ. du monatoj la TEJO-estraro anoncis la konkurson pri la nova redaktoro (oni volas iujn ŝanĝojn, kvankam, ne klaras - kiujn), ankaŭ mi reproponis min, sed antaŭ kelkaj semajnoj la duonoficiala mesaĝo de la TEJO-prezidanto informis min, ke miaj ŝancoj esti reelektita estas nulaj. Nu, kion fari...

Mi dume ne skribos multon pri miaj ĉi-rilataj pensoj kaj impresoj pro la etikaj konsideroj (mi ja daŭre estas redaktoro, laŭ la anticipa interkonsento mi devas finprepari la 3an kaj la 4an numerojn ĉi-jarajn). Mi diros nur, ke mi jam ne tro maltrankviliĝas pro ĉi afero. Finfine, la revuo ja forprenadis de mi sufiĉe multe da tempo kaj - eĉ pli! - nervoj kaj streĉoj, do, min ja atendas grandega kvanto da liberaj resursoj. Ankaŭ pozitivaĵoj ja ne mankis, sed, kiel oni diras, "estu, kio esti devas".

Kiel senpagan ilustraĵon pri tio, kio estas publikigata en Kontakto, mi prezentas sube mian etan recenzon pri la freŝa albumo "Samideano" kun unu aŭdia fragmento.



Gangsteraĵo sufiĉe altkvalita
Paŭlo Moĵajev, Ukrainio

"Samideano", miks-formata KD de Eterne Rima, 18 trakoj kun la suma daŭro de 1 horo kaj 5 minutoj, 15 karaokeaj mp3-dosieroj, tekstolibreto, eld. Vinilkosmo, 2010.

La albumo "Samideano" prezentas la unuan sol-albumon de la pola muzikisto Igor Wasilewski, jam konata en Esperantujo dank' al lia klubdanca projeko "Lunatiko", kies populara muzikaĵo "Planedo Esperanto" aperis en la Vinilkosma "Elektronika Kompilo". Tamen, se Lunatiko prezentis ĝuste la klubdancan muzikon, la albumo "Samideano" prezentas tute alian muzik-specon – iom agreseman kaj akran repon, kiun pro la enhavo de la tekstoj mi kuraĝus nomi (kun la apogo de mia nacia lingvo) "gangstera repo".

Ja vere, la preferataj teksto-temoj estas riĉo, mono, luksaĵoj, belulinoj kaj senbrida nokta vivo, plena je amuzaĵoj kaj (eventuale) konstraŭsocia agado. La aŭtoro-plenumato estas iom agresema, memfiera kaj domina. La muzikoj estas same agresemaj, akraj kaj tranĉaj, kvankam tre ritmaj kaj, mi diru, eĉ pasiigaj. La tuta albumo estas plenumita en sufiĉe fiksa kaj samspeca stilo; ĝin variigas nur kelkaj Esperanto-rilataj tekstoj (jen ironiaj, jen iom ekstreme Esperanto-defendaj, sed – ĉiuokaze, iom naivaj, miaopinie, en tiu kadro, sed pro tio – ankaŭ iom amuzaj) kaj kelkaj pliaj remiksaĵoj de la originaj trakoj.

Inter la pozitivaĵoj de la albumo mi nomus la altkvalitan sonon (nu, ja natura por la eldonaĵoj de Vinilkosmo), sufiĉe alkvalitajn tekstojn (de la gramatika vidpunkto, ĉar de la senca vidpunkto ili ja estas sufiĉe banalaj por tiu ĝenro), bonsonajn rimojn kaj, fine, tre klaran prononcon de la kantisto. Negative min impresis fakte nur la monotoneco de la mizik-aranĝoj (la ŝatantoj de tiu ĉi stilo eble nomus tion "unustileco", sed mi restas ĉe mia opinio – la muzikaj akompanoj de ĉiuj repaĵoj estas vere tre monotonaj kaj senvariaj, malgraŭ tio, ke la muzika etoso de la albumo entute al mi persone plaĉis). Krome, en la tekstoj ja troveblas kelkaj pekoj kontraŭ la gramatiko, ekzemple, la formoj "kontinui bizneson" (transitiva uzo de la netransitiva verbo), "direktigi" (kie sufiĉus simpla "daŭrigi") aŭ "bani" anstataŭ "baniĝi". Mistajpoj ŝajne mankas (aŭ almenaŭ ege malmultas) krom la kaptita de mi formo "Konstantinoplo".

Krom la belan tekstolibreton (kies ilustraĵoj ja subtenas mian supozon pri la "gangstereco" de la albumo – la kantisto estas prezentita sur multaj fotoj kiel vera "reĝo de la strat’") la interesatoj trovos sur la disko ankaŭ 15 karaokeajn versiojn de la surdiskaj kantoj.

Entute do temas, laŭ mi, pri sufiĉe altkvalita, kvankam ja ankaŭ iom specifa produkto. Ĝi certe malmulte taŭgos por plenkreskuloj, sed parto de la junularo, ŝatanta repon, certe trovos per tiu ĉi albumo multon interesan kaj altkvalitan.


Tags: e-movadaj aferoj, en esperanto, revuo kontakto, музыка, рецензирую, эсперанто
Subscribe
  • 4 comments
  • 4 comments

Comments for this post were locked by the author